افضل وصفة حنه و سدر علي الأطلاق عن تجربه الكثير

بسم الله الرحمن الرحيم

السلام عليكم ورحمة الله وبركاته

كيفكم عساكم بخير ؟؟

حسيت اني من زمان مانزلت موضوع يخص الجمال وهالموضوع منجد كثييير سئلوني عنه المتابعات وصديقاتي واهلي انو وش مسويه بشعرك يابنت؟ وش الخلطه الي صورتيها لنا ؟

المهم اي احد يعرفني يدري ماعندي لف ودوران واي شي اجربه ويزبط اعلم ماعندي حركات حريم اعطي الوصفه ناقصه ههههههههه 

 لا بعد اعلم وش زودت احس وشوله الكذب يمديك تفتحين قنوات الاجنبيات وتاخذين الي تبين وهن يهوديات ولا مسيحيات ولا كذبو المفروض احنا المسلمات الي نكون كذا ومن هالمنطلق عاد لازم تثقون بالاشياء الي احطها لان مو بس انا الي جربت  حتي صديقاتي واهلي جربو هالطريقه بالذات وبذكر لكم معاناتي كامله بس اصبرو 

طبعا انا شعري كان طويل وحلو وانا صغيره مره بعدين قصيته كاريه وانا باول ابتدائي لان صعبه كل يوم صبح يمشطوني وحالتهم حاله وكنت مره شيطانه هههه ف الحل السهل القص ومن يوم كنت صغيره لما الحين ماقد رجعت طولت شعري وصلت ثالث ثنوي وبعد ماتخرجت شعري بدا يتساقط تساقط جدا جدا مرعب لدرجه من قدام صار عندي زي فراغين المشكله اقول لاهلي والي يعرفوني يقولون من اول انتي كذا لا تكبرين الموضوع بس صدق اوكي شعري ماكان واااو بس مو لهالدرجه لان مابحياتي اصلا اعتني فيه بس صدق مو توصل فيه للتقريع هههههههه 

المهم كنت مسافره برا ورحت للدكتور وسويت كل التحاليل الممكنه تتعلق بتساقط الشعر الرهيب ووريته وانا جالسه عنده كيف مجرد المسه يطيح وقصيته بوووي مره قصير ولا وقف التساقط طلعت تحاليلي وقال هذا طبيعي كل انسان بفتره من حياته تمر فيه هالحاله وبامكانك البحث عنها بالنت وطنشته قلت وشو يعني يقرع 

تركت الموضوع سنه ونص لما رجعت السعوديه شارت لي وحده الله يجزاها بالخير انو ارجع للحنه والزيت وان ماخرب شعري الا لما تركتهم المهم انا وبنتها بدينا بنفس الوقت نحط حنه حتي لما رجعت سافرت برا اخذت معي حنه وسدر كنت مره احط حنه ومره سدر ومره اخلطهم الاثنين اوكي كانت حلوه النتيجه رجع شعري ينمو وطلع لي بيبي هير وتحسنت نوعيه شعري واحس الشعره نفسها ثقلت 

بس ماعمري شفت شعري مثل هالمره بعد مابديت استخدم هالطريقه كنت طفشانه وكتبت بالنت افضل طريقه حنه للشعر وقرأت كذا طريقه وجمعتهم مع بعض وبديت استخدمها بس بالصيفيه 

لما رجعت اداوم واسلم علي صديقاتي كلهم تفاجأو بالتغيير ولاحظو تغيير شعري ويقولون وش سويتي وش هالتغيير وانصعقو حتي بنات ما اموون عليهم مره سئلوني !!

بس جلست افكر ياربي ماسويت شي يعني نفس نظامي حنه وسدر وزيت 

وبعدين تذكرت اني غيرت طريقتي بالحنه

المهم عطيتها صديقاتي وجربوها حتي امهاتهم وكللللهم لاحظو الفرق بشعورهم وانبسطو من النتائج يعني تنفع للكل 

طبعا السؤال الي دايم يجيني واقلقتوني فيه طيب انا شعري مصبوغ وش اسوي ؟

الي شعرها مصبوغ تستبدل الحنه بالسدر وتستخدم نفس المكونات 

مالكم بالطويله هذي هي الوصفه 

حنه علي حسب طول شعرك حطي الكميه مثلا انا استخدم خمس ملاعق كبار كل وحده تحط الي يكفي طوول شعرها 

 فنجان حبة البركه الي هي الحبه السوداء مطحونه

فنجان قرنفل مطحون

ملعقة قرفه مطحونه

فنجان محلب مطحون انتبهي المحلب يختلف عن الحلبه اسئلي العطار عنها يعطيك 

ملعقة عسل
نص علبة زبادي
بيضه

فنجان زيت جوز الهند واذا ماعندك حطي اي زيت تفضلينه مثل زيت الزيتون

ملعقه خل اي نوع عادي المهم خل

تعجن الحنه اول شئ بالماء الساخن وبعدين اضيفي لها المقادير واعجنيهم مع بعض لين تتكون لك عجينه شبه سائله واتركيها تتخمر علي الاقل ساعه ولو تتركينها من الليل لثاني يوم افضل بس صراحه انا اخلطها واتركها ساعه واحطها لاني مو دايم اخطط متي ابي احط علي حسب وقت فراغي بس لو تقدرين من قبل بيوم افضل

هالخلطه لتكثيف وعلاج مشاكل فروة الشعر والرأس حتي الي فيهم قشرة شعر راحت من تجربة صديقتي كانت تعاني منها وجتني تقول ملاك راحت القشره مني 

المهم ادري المقادير باقي شوي وتركبيها بقدر الضغط من كثرها بس والله صدق بتدعون لي بعد تجربتها 

لو استمريتي عليها شهرين كل اسبوع مرتين او ثلاث بالبدايه بتدعوون لي

انا مره تعبت مع الحنه وكل ما اسئل احد مايعلموني وش يحطون عاد الحين الناس صارت تسئلني وش احط بعد ماشافو التحول ماشاء الله بشعري 

اذا كنتي تبين لون شعرك يصير بني حطي قهوه تركيه او نسكافيه او بودرة الكاكاو مع الحنه 

ولو تبينه احمر اعجنيها بمويه الشاهي او الكركديه او حطي قشور الرمان اطحنيها وحطيها مع الخلطه 

انا سوت لي لون بشعري مره حلوه حتي مره وحده تسئلني وش لون صبغتك هههههه لون بني علي احمر لاني احيانا احط كركديه واحيانا كاكاو ف صار لو غريب وحلو بني علي احمر ههههههههه طيب اذا تبون ريحه حلوه بشعركم عن ريحة الحنه جيبي ورد مجفف موجود عند العطارين او بالدانوب واطحنيه واعجني حنتك والورد بمويه الورد او مويه الزهر او الكادي المهم شي ريحته حلوه 

ويعطي ريحه تجنن اكثر مع السدر احيانا قبل المناسبات احط سدر و ورد مجفف مطحون و ملعقتين محلب مطحون  واعجنه بمويه ورد ويخلي ريحه شعري تجنن عشان لما اسلم علي الناس يصير فيني ريحه حلوه لان اكره شي عندي اسلم علي وحده واشم فيها ريحه شعر او ريحه حرق الاستشوار هذا بيخلي ريحه شعرك حلوه مره 

يالله عاد جربوها وادعوولي 

مابي منكم الا الدعاء لكل وحده عانت مع الشعر وان شاء الله بنزل لكم اشياء كثير للشعر لاني عااانيت لين وصلت للمرحله هاذي ولله الحمد من تجارب كثير وبقولكم كل شي بالصيدليه خرررطي مافيه شي نفعني مثل الحنه والزيوت والاشياء الي تسووينها بالبيت لا تشترين اشياء غاليه واخر شي تطيح بكبدك مثل ماسويت انا 

لا اله الا انت سبحانك اني كنت من الظالمين

سبحانك اللهم وبحمدك اشهد ان لا اله الا انت استغفرك واتوب اليك

how to knit 101

بسم الله الرحمن الرحيم

السلام عليكم ورحمة الله وبركاته

كيفكم شخباركم؟؟

احس اني طولت شوي لين نزلت موضوع بس والله مره كنت مشغووله 

ادري من زمان واعدتكم بهالموضوع واخيرا نززل ويارب كلكم تستفيدون من خبرتي البسييطه والقصيره 

انا ابتدئت اشتغل بالصوف بالاجازه الي بين الترمين الي فاتت 

مره كنت طفشانه وحبيت استفيد من الاجازه مابغيتها تمر كذا ومره كان نفسي اكتسب مهاره جديده وشي يساعدني اسوي ريلاكس وما افكر 

الحلو بهذي المهاره انها منجد تخلي ذهنك صافي وتوقفك عن التفكير لانك لازم تركزين بالي تسوينه ابسط غلطه تكلفك العمل كله وكل ماركزتي استمتعتي اكثر 

ف الي مثلي تفكر كثير تكتسب هالمهاره وهي مغمضه 

والي ودها تنجز ولو شي بسيط او تحب تخلي اغراضها شخصيه ومميزه 

هالمهاره مالها حدود باستخدامات ف انتي وخيالك وكيف تستخدمينها 

طبعا شغلي كلكم شفتوه بالانستقرام 

ومازلت اتعلم وكذا

طبعا الفيديوات كثيير 

بس الفيديوات الي صدق فادتني وطريقتها سهله وغير معقده بالشرح بحطهم لكم 

وكل فتره لما اتعلم شئ جديد طبعا بنزل لكم الطريقه والفيديوات وتطبيقي

 رجاءً تابعو الفيديوات بالترتيب

طبعا الأدوات الي تحتاجونها كمبتدئات عشان تبدأون هالمهاره هي سناره الصوف وصوف من اختياركم يفضضل لون فاتح ابعدو عن الغوامق بالبدايه

لو حابه تتعلمين علي سناره خشب بعدين حديد علشان مايزلق العمل من يدينك وتستحكمين فيه اكثر بالبدايه انا بصراحه بديت بالحديد علي طول هي مسئله تفضيلات فقط 

 هنا تعلمكم كيف تبدأون تحيكون و ابسط شكل من الحياكه اسمه 

KNIT

http://www.youtube.com/watch?v=ONVQCK_-rKc

ثم هذا 

تعلمكم شكل اخراسمه

PEARL

http://www.youtube.com/watch?v=2UJcXclkbvg#aid=P-r5Bb4lVDM

هنا طبعا بداية الحركات الحلوه هههههه

هذي اسمها

CABLE

بس بطريقه اسهل 

http://www.youtube.com/watch?v=oNLRoFL3lJ4

طبعا فيه طرق واشكال كثييير للعمل بالصوف بس هذول الفيديوات الي لقيتهم واعجبوني شغلهم وشرحهم كل فتره زي ماقلت لكم لا تعلمت شي جديد بشاركم  اياه ان شاء الله 

طيب تطبيقي لهالعمل كان هولدر وكوستر هديه لصديقتي بس ممكن تسوون مثلها للعطر كتلبيسه او كذا 

طبعا لازم تكونين مبدعه والتزيين هو اهم شي بالعمل انا استخدمت لصقات الي تكوينها علي الملابس وتلزق لتزيين العمل حقي اشتريتها من برا السعوديه وانا مسافره بس فيه هنا اكيد وممكن تطلبون من امازون لاشكال اكثر 

الطريقه

تقصين الشكل الي تبين تطبعينه ثم تخلين الجزء الي ورا الورقه فوق والجزء الي عليه الرسمه تحت يعني علي الصوف نفسه وتحطين فوقها قطعه قماش قطن لازم انا حطيت تي شيرت اخوي ههههههه وتحطين المكوه ٢٠ ثانيه بس او لما تلصق الرسمه وتضغطين بعدين عليها  زييين قبل تزيلين اللصقه ثم تزيلين الصقه بشوي شوي وخلاص تنطبع الصوره 

هذي الادوات الي استخدمتها علشان اسوي هالقطعه 

هذي القطعه قبل احط اللصقات 

وهنا بعد التزيين والحركات  

زي ماتشوفون التزيين يفرق مره كثير ف خليكم مبدعات 

ممكن تطرزون كمان لو تعرفون للتطريز

وبسس هذا الي عندي اليوم ويارب يكون الموضوع فادكم لو شوي وشكرااا لكم كلكم 

اذا اعجبك المووضوع لاتنسين تشاركينه مع اهلك وصحباتك وتسوين كومينت تحت 

لا اله الا انت سبحانك اني كنت من الظالمين 

فرش المكياج 102

بسم الله الرحمن الرحيم

السلام عليكم ورحمة الله وبركاته

كيفكم شخباركم؟؟

زي ما وعدتكم هذا الجزء الثاني من موضوع فرش المكياج وهو عن فرش الي بتستخدمينها للعيون والحواجب 

لانها مره مهمه بالنسبه لي ف خليتها بموضوع لحالها 

…يالله نبدأ...

بالنسبه لي ثلاث فرش من ماركه ماك هم مسست هاف بلا منازع 

MAC 239 

short dome-shaped eyeshadow brush for loading color on your lid

هذي الفرشايه مررره رهيبه بوضع ظل العيون حتي لو لون خفيف بتخليه مررره واضح وتوزيعها للون علي الجفن رهيييييب ما اقدر استغني عنها ابدا 

MAC 217

small fluffy dome-shaped natural brush for creases and blending

هذي الاعجوبه احط فيها الاضاءه تحت الحاجب وعشان تسوي دمج للألوان الي علي جفنك مرررره البليندق حقها رهيييب وماتخرب لك الالوان بس تدمجهم بشكل رائع اكثر خبيرات التجميل يستخدمونها وممكن تحطين فيها الظل ايضا 

MAC 266

short dense angled synthetic brush for eyeliner

هذي الفرشايه فعليا بنات استخدمها يوميييا هي لعمل الايلاينر بس انا استخدمها علشان ارسم حواجبي بالبودره ماقدر استغني عنها تنفع للأيلاينر وللحواجب وجددددا جميييله ما استخسرت فيها كل ريال دفعته وعند ماك فرش كثير يشبهونها انتبهو وانتم تشترونها 

Base shadow brush from real techniques :

the Base Shadow Brush which is a nice flat oval shadow brush.its perfect for applying eye shadow to your lid.

هذي الفرشايه مرررره حلوه من ريل تكنيك علشان وضع الظل علي العين وممكن تستخدم للدمج يعني لو وحده تبي شي رخيص ممكن تشتري من هذي ثلاثه وحده للضل الفاتح ووحده للغامق ووحده للدمج 

Accent Brush from Real technique:

I have not used this one yet but I can see it coming in very handy for a dramatic smokey eye.It works so well on my lower lash line to smudge it out a bit. It may also be handy for highlighting the inner corner of the eye.

بصراحه ما استخدمت هالفرشايه كثير عشان احكم عليها بس حجمها مناسب لوضع الظل تحت العين لسموكي لوك او عشان الاضائه الي بزاوية العين 

Brow brush from real technique:

this brush is different to most eyebrow brushes that I have seen. It is a dense thick brush which allows you to do your eyebrows really quite quickly.

هذي جت مع المجموعه حقت ريل تكنيك للعين وبصراحه ماستخدمتها كثير لان معتمده علي فرشايه الماك اكثر بس حلو فيها انها كبيره يعني بسرعه يمديك ترسمين وتعبين حواجبك بس مدري احس اني تعودت علي حقت الماك اكثر بس هي كويسه ك فرشايه وبديل ارخص للماك بس ماتستخدم للاي لاينر ابدا بس للحواجب

The Pixel-Point Eyeliner brush from Real technique:

هذي الفرشايه فعلا غيرت حياتي بالميك اب شي شي الييييم حتي الي ماتعرف ترسم بتعرف ترسم فيها اول ماشفتها ماعجبتني ولا استخدمتها بس لما بديت اسوي ريفيو عن الفرش جلست العب فيها وارسمت لي كحل باقل من دقيقه للعينين وماتاخذ برودكت ابددددا يعني تعرفون الي يجي بعلبه مشكلته كل شوي بتغطين الفرشايه بالعلبه وهذا الي يخليك تطولين بالرسم اما هذي يادوووب غطيتها بالبرودكت مرتين لرسم عيوني لان علي راسها سيلكون وهي مصنعه من شعر صناعي ف ماتتشرب البرودكت ابدددا ويتزحلق منها علي عينك ههههههه منجد بنات رهييييب مرره افضل فرشايه للايلاينر بلا مناززززع مدري مره حابتها ف مو عارفه وش اكتب وش اخلي من زود الحب مخليتها اخر شي هههههه منجد كلكم اشتروها الي تحب الايلاينر 

حيله 

طيب اخر حركه بخصوص فرش الميك اب حقت العين هي انو لما تجي بتسوين سموكي او بتحطين كذا لون وماعندك وقت تغسلين الفرشايه وتنتضرينها تنشف علشان اللون يزبط معك هي انو تجيبين الحشوه حقت الشعر السوداء وتحطينها بعلبه عشان ماتتعبك او تضيع وبين كل لون ولون افركي الفرشايه علي سطح الحشوه وبتطلع لك الفرشايه نظييييفه زي السحر ههههههه

اذا تبون انزلكم فيديو بالطريقه علموني انزله لكم بالانستقرام 

المره الماضيه تكلمها عن كل شي يخص نظافه الفرش الحين بوريكم صور للطريقه 

هنا الطريقه الغلط بمسك الفرشايه وانتي تغسلينها لان كذا بيدخل مويه للفرشايه

هذي هي الطريقه الصح ان راسها يكون تحت عشان المويه ماتدخل لجوا وتخرب لك الصمغ وتنفك الفرشه 

وبس بالنهايه يارب انه اعجبكم الموضوع مره تعبت وانا اسويه ههههه لاتنسون لو اعجبكم تكتبون كومينت تحت 

واذا تعرفين وحده تبي نصائح عن فرش الميك اب لا تنسين ترسلين لها المدونه 

شاركو رابط المدونه بقروباتكم علشان تعم الفائده 

وشكرا لكم 

لا اله الا انت سبحانك اني كنت من الظالمين 

فرش المكياج 101

بسم الله الرحمن الرحيم 

السلام عليكم ورحمة الله وبركاته 

كيفكم شخباركم 

يمكن تلاحظون ان مواضيع البلوق جالسه تتدرج شوي شوي في سلم اساسيات الميك اب وكل مايتعلق فيه وهذا بناء علي طلبكم بتعليمكم الأساسيات 

ف اكيد اول شي بيخطر علي بالكم بعد كريم الاساس هو ؟؟

فرش المكياج 

انا وفرش المكياج سالفتنا سالفه جربت مره كثير من ارخص الفرش لما اغلاها و كل ماسافرت القط من الفرش واليمتد اديشن بس بالنهايه ماصفا لي الا مجموعه قليلة كانت فعلا من افضل الفرش الي جربتها 

...يالله نبدأ بالتفاصيل الموضوع طويل …

أول شي ايش الفرش الي لازم تكون عندك وايش الفرش الي ممكن تستغنين عنها 

لازم يكون عندك فرشايه تمدين فيها كريم الاساس 

فرشايه لتوزيع الكونسيلر 

وفرشايتين علي الاقل لظلال العيون وحده للفاتح ووحده للغامق

فرشايه للحواجب ولرسم الايلاينر

وفرشايه لتوزيع الاضائه

وفرشايه للكونتور والهايلات

واخيرا فرشايه للبلشر والسيتنق باودر

حيله توفيريه ١
ممكن تاخذين فرشايها راسها مشطوف وتستخدمينها لرسم الحواجب ثم تمسحينها وترسمين الايلاينر انا كنت اسوي كذا اوفر لك ولو ميزانيتك ماتسمح او ماتبين تستخدمين فرش كثير

حيله توفيريه٢

ممكن تستغنين عن فرشايه كريم الاساس وفرشايه الكونسيلر بالبوتي بلندر يعني عصفورين بحجر ونتائجها افضل بكثييير واستخدامها اسهل للمبتدئات 

طيب ايش الفرق بين الفرش ذات الشعر الصناعي وذات الشعر الطبيعي؟

الصناعي يعني مصنعه من الياف مشابه للشعر الطبيعه ومعدلينها لمستوى معين 

الطبيعي يعني ممكن بأكثر الحالات يكونون ماخذينها من البقر او الماعز ومنظفينها اكيد ومركبينها علي الفرش

ايهم احسن؟

بالنسبه لي طبعا الصناعي

اولا لان مافيه اي ايذاء للحيوانات او استغلال لهم

ثانيا لان الي شعرها صناعي بتكون اوفر لك من ناحيه المنتج لانها بتاخذ مثلا الفاونديشن وتحطه علي وجهك مباشر مارح تقوم بامتصاص اي جزء منه اماا الطبيعي راح تمتص شوي من المنتج وبالتالي راح تستخدمين كريم اساس 

اكثر ف علي المدا البعيد اكيد الصناعي اوفر لك بعض الصناعي يكونون حاطين مادة السيليكون علي راس الفرشايه عشان تظمن لك ان الفرشايه ماتمتص البرودكت نهائيا ومباشره من العلبه لوجهك وهذا شي جدا ممتاز 

فكري بالعمليه هذي زي شعرك الطبيعي والشعر التركيبه الاكستنشن لو حطيتي عليهم زيت اي وحده بتمتص زيت اكثر 

كل كم لازم اغسل الفرش حقتي؟

اذا كنتي تستخدمين الفرشايه يوميا اذا عليك بغسلها مره كل اسبوع

اذا مو بشكل يومي اذا مره كل اسبوعين

بأيش اغسلها؟

كل شركه ميك اب عندها فرش نزلت غسول للفرش انا ماقد استخدمت غسول انا اسوي خلطه بالبيت ماتكلف شي والحمدلله ماضرت الفرش حقتي بالعكس نعمتها

اجيب اي صابون يكون 
Antibacterial 

مثل لايف بوي وديتول وكذا

انا افضل لايفبوي عنايه كريم الحليب لان فيه نسبة ترطيب كبيره وبنفس الوقت ضد الجراثيم مارح يكون قوي علي فرشايتي مثل الديتول 

واصب منه بصحن واحط شوي زيت زيتون وبالفتره الاخيره صرت احط سيروم الشعر الي بزيت الارقان من لوريال 

نسبته لبعض يكون الزيت ربع كميه الصابون الي بتحطين بس عشان مايخلي الصابون ياذي الفرشايه مو تخلينها مزيته وتخربها بس شوي 

ما احبذ استخدام صابون الاطفال مثل جونسون للفرشايات لانها كلها جراثيم وجلد ميت من وجهك ماحسه افضل اختيار لتنظيف وتعقيم هالشي

اهم شي بعملية الغسيل هي تنشيف الفرش كويس بعد ماتخلصين بالطبطبه المنشفه على الفرشايه مو تمصعين الشعر بشوي شوي 

وثم تحفضينها لين تنشف بشكل مقلوووب عاموي وليس افقي عشان المويه تصب برا الفرشايه مو ترجع لداخلها وتخرب لك الصمغ وتخرب 

زي الصوره الي حاطتها اول الموضوع

كيف اخزن الفرش واظمن نظافتها؟

دائما احفظيها بالعلبه الي تجي معها واذا ماتجي معها علبه احفظيها بعلبه مغلقه لان الجو حقنا كله غبار ووساخه وهذي الاشياء بتدخل علي مسامات بشرتك وتخربها لك تسبب حبوب بثور واشياء كثير موب زينه علي المدى الطويل ف يعني العلب الي ينحطون فيها الاقلام علي المكاتب ابدا ماتناسب تحطين الفرش حقتك فيها وتخلينها علي تسريحته 

BIG NO NO 

الفرش تختلف بالنسبه للناس زي الذوق بالملابس ممكن انا احب شي انتي رح تكرهينه او بشرتي تتقبل شي وانتي لا او انا تعجبني المسكه حقتها واعرف ارسم فيها وانتي لا

 ف لازم حتي بعد الموضوع تجربين بنفسك وتبحثين وتشوفين اي نوع رح يناسبك وترتاحين معها 

انا من تجربتي بتكلم عن الفرش الي عندي حاليا 

Chanel

Mac

realtechnique 

paula ryan

نبدأ بفرش كريم الاساس

The angled foundation brush:

" aligns effortlessly to the contours of your face – under the eyes, around the nose, and in the creases – for an even foundation application".

هذي فرشايه مشطوفة الرأس لكريمات الاساس السائله تنباع لوحدها، اول ماشتريتها زي الهبله كنت ابي اسوي فيها كونتور وهايلايت بس ابدا مازبطت وبعدين اكتشفت انها لكريم الاساس السائل توزيعها لكريم الاساس حلو بس تسبب خطوط بتوزيع الكريم وهذا الي كرهني فيها يعني لازم باسفنجه الريل تكنيك تمشين علي كل وجهك بعدها بس استخدامها يحير شوي بالبدايه للي ماتعودت علي توزيع كريم الاساس بفرشايه مشطوفه بس بعدين عادي حلوه ومناسبه بالنسبه لسعرها لو انتي تحتاجين لوحده مثلها

Chanel number 6 foundation brush:

الحلو بهذي الفرشايه انو يجي معها زي الجراب مخمل يحفضها من الغبار والاوساخ 

ببداياتي بالميك اب اشتريت هذي الفرشايه لوضع كريم الاساس السائل هي ممتازه بس تستهلك من المنتج الكثييير لانها شعر طبيعي ف تمتص منتج كثير 

افضلها لوضع الكونسيلر او اشياء تبي اماكن حاده لان راسها يوصل لاماكن مره رهيبه وهي زي ماتشوفون مستطيله ف تاخذ وقت اطول بوضع كريم الاساس 

بس اكيد شانيل رهيبه الفرش حقتهم واذا كان عندك وقت وتبين فرشايه بتعطيك توزيع ممتاز لكريم الاساس السائل وفيك صبر وخبره استخدميها بتعوضك عن فرشايه الكونسيلر والكوركتر ايضا يعني اثنين بواحد ف علي المدى الطويل ايوه بتوفر لك فلوس بالفرش بس مو بالبرودكت 

بس بالنسبه لاي فرشاية كريم اساس سائل تعتبر الافضل بلا منازع لانها عريضه يعني تغطي منطقه اكبر من شبيهتها بأي ماركه ثانيه 

Pointed Foundation Brush:

"For liquid foundation, and concealer under the eyes." 

هذي فرشايه الكريم الاساس السائل من ريل تكنيك تجي مع المجموعه حقتهم الاولي افضل منها بس هذيك تجي لحالها اكيد مارح يحطون لكم الزينه بالمجموعه عشان تشترون هذيك ههههههههههه بس لو انتي ميزانيتك محدوده اكيد مارح تسوي نفس شغل حقت شانيل او الي راسها مشطوف بس هي كمان جيده بس مره صغيره يعني بتطولين وانتي توزعين كريم الاساس السائل فيها بس ممتازه لوضع الكونسيلر وليس كريم الاساس السائل بالنسبه لي لان راسها حاد ويدخل لكل الاماكن الي ودك تحطين فيها الكونسيلر زي زوايا الانف والعين 

انا شخصيا استخدمها لوضع الكونسيلر وانصح فيها ك فرشايه ممتازه لوضع الوكنسيلر و الكوركتر لكن مو مره لكريم الاساس السايل

Buffing Brush:

"Use for cream to powder foundation, or a mineral foundation. It can also be used to apply bronzer, blush, and highlighter."

هذي الفرشايه بتاعت كلو ههههههه ممكن تاخذين منها ثنتين وخلاص تغنيك عن فرشايه الكريم الاساس والبلاشر والكونتور والهايلايت والبرونز

مرررره احبها اعشقها بتوزيع كريم الاساس الي يكون كومباكت بودره او بعلبه او المينيرال فاونديشن ماتصلح اببببدا للسائل نهائيا مقاسها منناسب للبلاشر ايضا مثل الكابوكي برش اتوقع من سيقما حبيت هذي اكثر ماحسها تمتص منتج كثير وهذا الحلو فيها يعني لما اخلص القاها شبه فاضيه مو مليانه برودكت 

beauty blender:

الاسفنجه الاكثر شهره بالعالم احسها اختراع بحد ذاتها 

شفتو الكلام والفرش الي فوق كلها هالمزيونه ذي تغنيكم عنه منجد وكمان توزيعها بالنسبه لي افضل بكثييير ومايستحق العناء ما أتخيل حياتي بدونها

Detailer Brush: 

"Precision cut for concealer, under-eye concealer, or to define lips with lipstick".

اكثر فرشايه ماحبيتها بالمجموعه حقت ريل تكنيك بالبدايه بس بعدين اكتشف انها تفيد بالكوريكتر للحبوب مثلا لان حجمها صغير ومررره ممتازه بوضع الارواج علي الشفايف افضل من الفرشايه الي طلعوها خصوصا للارواج حجمها ممتاز وتاخذ يعني كميه حلوه من الروج وتحطه علي الشفايف وممتازه لوضع الكونسيلر حوالين الشفايف لان راسها جدا نحيف يعني مارح تلخبط لك الدنيا وكذا

Retractable lip brush:

"high definition results,look pixel perfect even in harsh light, ultra plush bristles,go mobile with our retractable design،ultra-firm tapered tip that applies color smoothly and expertly lines the contours of the lip for added definition".

ادري فجأه نطيت لفرش الارواج بس بما اني تكلمت عن الديتيلر بس بقولكم شي عن هالفرشايه هي اكثر فرشايه بحياتي ندمت اني اشتريتها واقرف شي هو الاختراع الغبي حقهم ان فيه حديده تطلع وتقفل عليها عشان الروج مايوصخ شنطتك لو بتاخذينها معك لانه خرب لي راس الفرشايه واصلا مو مره كويسه بوضع الروج ويالله يالله تاخذ الروج وتمده ومرره قاسيه يعني كانت عندي توقعات كبيره لها الديتيلر برش الي فوق افضل منها بكثييير بوضع الارواج !! مع ان المفروض هذي الي مخصصينها للروج تكون افضل فيه ناس قامو يستخدمونها لاشياء ثانيه غير الروج كونسيلر وكوركتر ومعرف ايش بس بالنسبه لي مره كرهتها 

الحين الفرش الي بتحتاجينها للكونتور والهايلات والبلاشر والسيتنق باودر

Contour Brush:

"With bronzer to define the cheekbone, contour the crease above the eyes, for highlighter".

مرره رهيبه هالفرشايه احسها من المصت هاف برشز 

استخدمها اول شي احط البلاشر ثم البرونزر وامسحها بمنديل من الالوان واوزع الهايلايتر منجد رهيبه وحجمها الحجم المناسب اتمنيت لو انها اكبر شوووي بس نتفه عشان البلاشر بس وزنييت حجمها اليييييم مره رهيبه احس تغيرت حتي طريقه وضعي للبلاشر صار محدد اكثر معها 

I just can not stop loving it 

Deluxe crease brush:

"soft,oversized design for effortless contouring".

ممكن تستخدم للكونتور تضغطين عليها من قدام باصابعك كأنك ماسكه قلم وترسمين او حتي للظل بس انا اكثر استخدامي لها ك سيتنق باودر تحت العين لما اخلص من الكونسيلر اوزع الباودر عليه فيها 

Paula ryan:

هذي الفرشتين من برا السعوديه اخذتها من محل مو لازم نفس الماركه اصلا مو كويسه مره الشعر حقها يسبب حكه بس لازم تكون عندك فرشايه نفس الفكره انو كبيره مره لتوزيع البودره النهائيه "السيتنق باودر" علي الوجه والاصغر للبلشر 

وبكذا نكون خلصنا الجزء الاول من فرش المكياج لانه طويل حبيت اقسمه نصفين 

النصف الثاني راح يحتوي فرش المكياج 

المخصصه للعيون والحواجب وكل مايتعلق فيها 

اكتبو لي بالردود وش الفرشايه الي قد جربتيها؟ والي ودك تجربينها؟ وهل قد جربتي فرش ريل تكنيك او شانيل؟؟ ووش تفضلين ريل تكنيك او سيقما؟؟

مع السلامه 

لا اله الا انت سبحانك اني كنت من الظالمين 

كل مايتعلق بكريم الأساس 101

بسم الله الرحمن الرحيم 

السلام عليكم ورحمة الله وبركاته

كيفكم شخباركم؟

بعد ماخلصنا ملف الاندرتون وفهمنا ايش يعني وقد ايش هو مهم تفهمينه وتعرفين اي اندرتون انتي علشان تختارين كريم الاساس المناسب لك جا وقت نتكلم بكريم الاساس وكل مايتعلق فيه 

…يالله نبدأ …

اولا: تحضير البشره قبل وضع كريم الاساس

اربع اشياء لازم تسوينها تحطين نظام اسبوعي ويومي لنظافة بشرتك

اولا: تنظفين وجهك يوميا بالغسول باستخدام فرشايه للبشره مثل  فرشاية بودي شوب او كلاريسونيك
ثانيا: تنظيف بشرتك بشكل اسبوعي بمقشر مناسب لبشرتك وفيه 
فرشايه تساعدك بالتقشير ايضا من بودي شوب 
ثالثا: نظام خلطات او ماسكات طبيعيه لوجهك مرتين اسبوعيا مثل زبادي وعسل وكذا 
صوره للفراشي الي من بودي شوب الي فوق مع الغسول والي تحت 
للتقشير 

اخر شي هو ان بعد اي عمليه تنظيف او تقشير او خلطه او ماسك ان لازم ترطبين بشرتك بمرطب المناسب لك

لاحظت اني لو ماحط كريم مرطب قبل كريم الاساس يتعبني لما ينمد واحيانا يتشقق الكريم عند مناطق وتصير تغطيته  سيئه ف هالخطوه جدا مهمه بس لازم علي بشره نظيفه مو وصخ علي وصخ 

ثانيا: اتبعي النصائح التاليه قبل ان تحكمين علي كريم الاساس 

 علشان تعرفين ان كريم الاساس ناسب لون بشرتك او لا جربيه تحت نوعين من الاضائه يعني صفرا وبيضاء قويه وخفيفه وشوفي اذا مازال مناسب لك ،لان بالمناسبات كل شوي تختلف الاضاءه مره يولعونها مره يطفونها ف لازم تظمنين ان بكل الحالات شكلك حلو والكوفر حقك تمام التمام 

ودائما جربي كريم الاساس وانتي لابسه لون ابيض لانه اللون الوحيد الي مارح ينعكس علي كريم الاساس ويأثر علي حكمك عليه ودائما اختاري لون كريم الاساس المناسب للون بشرتك لا افتح كنك حاطه ماسك ولا اغمق كانك محترقه  ، واذا فيه اي ملاحظه علي اللون عدلي عليه بالبلاشر او البرونزر 

لازم تعرفين ان كريم الاساس اليكويد السايل يعني يبان اغمق بالعلبه من علي الحقيقه فلا تتحمسين وتحكمين من العلبة  فقط جربيه علي وجهك مو علي يدك واذا ماقدرتي بسبب النقاب جربيه علي رسغك من باطن اليد مو من كف يدك لان هالمنطقه تعتبر الاقرب من لون الوجه ونوعيتها 

اخر معلومه هي نسقي الألوان بمعني مو وجهك لون ورقبتك لون واذنك لون لازم تختارين اللون الي راح ينسق لك لون وجهك ورقبتك واذنك مع بعض لا مع تعرضنا للشمس بتلقين مثلا الوجه غامق والرقبه فاتحه فلازم تراعين هالمسئله المهمه

ثالثا: علي اي اساس تختارين كريم الاساس

فيه انواع كثيره لكريمات الاساس من كثرها يدوخ راسك والمشكله ان اسعار كريمات الاساس غاليه يعني حرام تشترين كريم بميتين ريال واخر شي ماتحطين منه الا مره وبالبيت بعد تجربه وماعاد تستخدمينه 

طيب كيف اختار وعلي اي اساس؟

  عن طريق نوع بشرتك طبعا لا الماركه ولا ايش شيء ثاني 

طيب عرفت نوعية بشرتي كيف اختار من انواع الفاونديشن الي يناسبني؟

طبعا فيه ماركات كثير بس بعلمك كل نوعية بشره ووش مفروض النوع الي تستخدمه او وش الكلمات الي المفروض تبحثين عنها علي المنتج 

KEY WORDS 

انواع البشره ثلاث جافه ودهنيه ومختلطه

البشره الجافه 

اذا كانت بشرتك جافه احرصي تستخدمين الكريم السائل او الستيك او كريمات الاساس الترطيبيه .الكريمات السائله و الستيك يكون دائما   فيها مرطبات داخله بتركيبتها عشان كذا سائله او قوامها كريمي 
حيلة

دوري هالكلمات علي علبه الفاونديشن علشان تتاكدين انها تناسب بشرتك الجافه وفيها ترطيب 

"compact makeup " " compact foundation"

البشره الدهنيه 

 اذا كانت بشرتك دهنيه استخدمي كريمات اساس تكون خالية من  
الزيوت او كريمات الاساس البودره
ليه؟

 لان فيها بودره بتظمن لك ان بشرتك ماتزيت عن طريق امتصاصها   لهالزيوت الي بتخلي بشرتك مطفيه مات

 المينرال ميك اب مثال ممتاز لهالنوع من البشره لان فيه مواد جافه تمتص الزيوت المنتجه من البشره الدهنيه

حيله 

دوري علي المنتج هالكلمات علشان تظمنين انه يناسب بشرتك

Oil free

Matt

Powder foundation 

Minerals foundation

افضل منتج للبشره الدهنيه الي لما تقرأين مكوناته وتلقين هالماده 

salicylic acid 

لانها اصلا تستخدم بغسولات البشره الدهنيه فهي ممتازه لامتصاص الزيوت من الغدد المنتجه للزيت بالبشره الي تسبب الحبوب والبثور والمنظر الامع المزعج 

البشره المختلطه 

 اذا كانت بشرتك مختلطه حددي اولا اذا هي مختلطه جافه او مختلطه دهنيه ثم اختاري الكريم الاساس الي بيناسب معظم مناطق وجهك 

حيله

اذا كانت بشرتك مختلطه دهنيه استخدمي كريم اساس يكون بودره 

powder foundation

 وكثري منه علي المناطق الي تعاني من التزييت اكثر من غيرها

كيف تبدأين مشوارك بوضع كريم الاساس

نصيحه للمبتدئات ابدئو تتعلمون علي ال

 powder foundation 

  يجي مضغوط او بودره زي الصوره الي فوق هذي لاتخافون لانه اول مارح يلمس بشرتك راح يذوب علي بشرتك و يساعدك بال بليندنق هو قريب من كريم الاساس السائل بس اسهل منه 

بالتحكم بالنسبه للمبتدئات يجي بعلبه ومارح يسيل علي يدك وانتي مبتدئه ماتعرفين 

طريقه وضعه

تحطينه بأسفنجه علشان تتحكمين بتوزيعه بسهوله

انا استخدم البيوتي بلندر شي اليييم ماقدر استغني عنها حتي بالكريم الاساس السائل مره تتحكم بالتوزيع وتمتص الزايد 

 حيله

لازم كخطوه اخيره تثبتين شغلك كله ببوده خفيفه لوس باودر علي كل الوجه شوي بس مو تكثرين يصير كأنه قناع،هالخطوه بتساعدك علي ثبات المكياج علي وجهك وقت اطول وتمنعه انه يطبع علي ملابسك

واذا لسا باقي يطبع الكريم طبطبي علي وجهك بمنديل والمره الجايه لاتحطين كميه كبيره من كريم الاساس خففيه

بالنهايه فيه حركه حلوه اسويها اول قبل اعرف اللون الي يناسبني بالاساس اخذ علبه صغيره معي للمحل واحط شوي من الكريم واجربه بالبيت اذا اعجبني اللون وناسبني ارجع واشتريه 

وبكذا نكون خلصنا اساسيات الفاونديشن كريم الاساس 

ويارب تكونو استفدتم من المعلومات ادري طولت بس قد ما اقدر حاولت الخص واحط بس الاشياء المهمه جدا 

‏لا إِلَهَ إِلَّا أَنْتَ سُبْحَانَكَ إِنِّي كُنتُ مِنَ الظَّالِمِين