Wednesday, March 5, 2014

قبل شرائك المنتجات تعرفي علي الاساسيات الأندرتون

بسم الله الرحمن الرحيم
السلام عليكم ورحمة الله وبركاته
كيف حالكم  ان شاء الله بخير 
يالله ان تحييكم كلكم بالمدونه الجديده وان شاء الله تكون فاتحة خير علي الجميع وتستفيدون وكذا 
طبعا للي ماتعرفني انا انزل كمان بالانستقرام بحساب 
Malak_artista
طبعا اخترت هالموضوع علشان ينزل بالمدونه لان كثير بنات كانو يكتبون لي ملاك نبي نعرف اساسيات الميك اب واحنا مانعرف والي تقول ناسيه كل شي تعلمته وكذا 
 فعشان كذا اول موضوع كان لازم ينزل بالمدونه هو كيف تعرفين الاندرتون حق بشرتك  
ممكن تسئلين نفسك ليه طيب وش الشي المفيد بالاندرتون ولازم نعرفه؟
الاندرتون ياعزيزتي كتقريب للفهم هو لون مايتغير يكون تحت  بشرتك لان لون بشرتك يتغير بسبب العوامل المؤثره مثل الشمس العمر عوامل التعريه يعني ههههههه بس الاندرتون حق بشرتك يضل ثابت
مثلا فيه بنات يسوون تان بس سبحان الله يبان انو مو سمر وان هذا تان وانهم بيض هذا بسبب الاندرتون
وهذا الي راح يساعدك باختيار الوان الفاونديشن والارواج الي بتناسب بشرتك انتي لان مو كل لون بيزبط علي راح يناسبك 

فيه فرق بين الاندرتون وبين لون البشره لازم تفرقون بينهم
لون البشره ثلاث انواع.. فاتحه ومتوسطه وغامقه
فرقها عن الاندرتون انه لون البشره هو الطبقه الاساسيه والأوليه للبشره
 بينما أنواع الأندرتون هي ثلاث انواع رئيسيه الي هي دافئ ، طبيعي او المحايد، بارد
وعادي وحده امريكيه بيضاااا ووحده افريقيه يكون عندهم نفس الاندرتون بس اكيد مو نفس لون البشره 
هههههه يعني الاندرتون ماله دخل بأنتي بيضا ولا سمرا عادي 
طيب كيف اعرف ايش الاندر تون حق بشرتي ؟
يا اما تتابعين هالموضوع وتتعلمين وتطبقين علي نفسك او تروحين لخبيرة ميك اب تعلمك ايش هو الاندر تون حقك

...نبدأ بالتفاصيل …
اسهل طريقه لمعرفة نووع الاندر تون حق بشرتك هو انك تشوفين عروق يدك ومن خلال الوانها راح تعرفين ايش الاندر تون حق بشرتك

اول نوع وهو البشره البارده


اذا عروق يدك ازرق او بنفسجي اذا انتي من هالمجموعه
البشره البارده اساسها ازرق وهي مالها قاعده معينه
الاندرتون البارد تناسبهم الالوان البارده الهاديه
 مثل/ الازرق،البنفسجي الهادي،الوردي بدرجاته،الاخضر،الفضي،الرمادي،الابيض والاسود
والي يناسبكم من المجوهرات هي مجوهرات الفضه اكثر من الذهب يعني ابتعدو عن الذهبي وكل درجاته والاصفر والاورنج والاحمر وهكذ


ثاني نوع هو الاندرتون الدافئ

اذا عروق يدك خضراء اذا انتي من هالمجموعه
البشره الدافيه اساسها يكون اصفر او برتقالي مثل بشرات اغلب الاسيويات
الاندرتون الدافي تناسبهم الالوان ذات الدرجات الترابيه
 مثل/ خوخي او مشمشي ،اصفر،برتقالي ،احمر غامق او توتي ،اخضر،بني


النوع الثالث هو المحايد
طيب ممكن تجي بنت تقول انا فيني الوان عروق من نوعين من انواع الاندر تون انا اندرج تحت اي فئه الحين؟
تندرجين تحت ذوات البشره محايده
عشان كذا لما تروحون ماك تلقون الكونسيلر او الارواج مصنفه حسب البشره
NW - NC
محايده n
دافيه w
بارده c

تناسبهم مجوهرات الفضه والذهب الاثنين وهي تعتبر افضل مجموعه تقريبا مافيه الوان ماتناسبهم
كل الالوان تناسبهم 
انا من هذي المجموعه ياحظي هههههههههه
تلخيص لهذا الكلام كله 

طيب كيف تستفيدين من هالمعلومات ؟؟
مثلا باختيارك للارواج 
ذوات البشره البارده لازم ياخذون ارواج الاندرتون حقها ازرق
وذوت البشره الدافئه خذو ارواج اندرتونها اصفر او ازرق 
الي يعجبني بالارواج الي اساسها ازرق انها تبييييض الاسنان 
فيه ماركات يكتبون علي كل منتج انه ينفع لاي اندرتون واذا ماكتبو اسئلي الي يبيعون بيعلمونك 

معلومه او حيله يستخدمونها خبيرات التجميل 
اذا حطيتي روج احمر وحسيتيه قلب وردي حطي فوقه روج يكون اساسه دافي 
واذا قلب برتقالي حطي فوقه روج اساسه ازرق بيعدل اللون 
وتفيدك ايضا عند اختيارك للفاونديشن 
فمثلا
 الي اندرتونها بارد تختار فاونديشن اللون الاساسي فيه مائل للوردي المحايد
الي اندرتوها دافئ تختار فاونديشن اللون الاساسي فيه اصفر او خوخي  

هذي بعض الصور لعجلات الالوان واشياء تفيدكم زياده بخصوص الألوان المناسبه لكل اندرتون 


 هنا الالوان الي تناسبكم باللبس
وبالاخير كاتبين امثله علي مشاهير عندهم نفس هالاندتون ممكن تبحثون عنهم بقوقل وتشوفون 
اختياراتهم باللبس والميك اب 


امثله علي الوان اللبس المناسبه للأندرتون البارد والدافئ


جدول  ثاني للألوان الي تناسب كل اندرتون 


وبالنهايه اتمنى انكم استفدتم من هالمعلومات الي
 لو طبقتوها بتختارون الالوان الي تناسبكم دائما 
you will NEVER be lost AGAIN ! 

سبحانك اللهم وبحمدك اشهد ان لا اله الا انت استغفرك واتوب اليك 

7 comments:

  1. موضوع جدًا مفيد ، واخيرا عرفت انا من اي نوع ����

    ReplyDelete
  2. الموضوع يبغاله مخمخة و كوفي ��
    لي رجعة يا عسل
    بس مبدئياً يعطيك العافية ��

    ReplyDelete
  3. معلومه جديدة اول مرة اسمع بدا الشي
    المهم طلعت انا من النوع التاني ♡♡♡
    الله يعطيك العافيه

    ReplyDelete
  4. معلوماتك رائعه جدا .. وشكرا جزيﻻ لك
    بس عفوا حبيبتي دورت على حسابك باﻻنستجرام مالقيت ممكن تعطيني اسم الحساب لو سمحتي؟؟

    ReplyDelete
  5. الموضوع عام ٢٠١٤
    بس فادني وانا الحين بعام ٢٠١٧
    ليتني شفته من ذيك السنه ��

    شكرا لك

    ReplyDelete
  6. The Eight-Wheel Classic - TITIAN Arts
    The eight-wheel classic bicycle gri-go.com is available in microtouch solo titanium six sizes. kadangpintar The Bicycle Wheel is a classic bicycle ventureberg.com/ made in USA, but there are three variations in

    ReplyDelete

translate this page